Германиядағы Ari Motors компаниясының қарт құрлықтағы халыққа коммерциялық көлік сатып жатқанына 6 жылдан асты. Бірақ ол өз өнімін емес, қытайлық Jiayuan EV фирмасының техникасын құрастырады.
Отыздан аса шанақ түрі бар Ari 458 Pro моделінің соңғы нұсқасы ауыр квадроциклдер класына жататын фургон саналады. Ұзындығы 3820 мм машина Mini Cooper хетчінен де кіші.
Екі адам сыятын кабинасында цифрлық аспаптар панелі, электрлі әйнек көтергіш, ортаңғы құлып, артқы көрініс камерасы және Bluetooth бар. Кондиционер, күн батареясы мен фаркопты опция түрінде ұсынады.
Артындағы терезесі бар 2.8 шаршы метрлік бос қораптың биіктігі 1.85 метр шамасында. Сатып алған адам қажет жиһаз бен жабдықты өзі орнатады. Өндіруші автомобильге таза және аққан су сақталатын арнайы резервуар мен 230 вольттық рәзеткі орнатады.
Машина 20 ат күшіне ие электромотормен жүреді, жылдамдығы сағатына 70 шақырымнан аспайды. Клиенттер сыйымдылығы 15 кВт·сағ немесе 23.5 кВт·сағ литий-темір-фосфат аккумуляторды таңдайды. Онымен көліктің жүріс қоры 120-230 км-ге жетеді. Пайдаланған кісі жалпы 100 км-ге 4 еуро жұмсайды екен.
Ari 458 Pro автоүйінің бағасы 30 381 еуродан басталады.
Комментариев: 0