Америка мен Иран арасындағы жанжал көлік иелеріне кері әсерін тигізіп жатыр. Соңғы төрт жылда отын құны онсыз да шарықтап кеткен, енді тұрақта тұрған көліктегі бензинді үптеп кететіндер пайда болды. The Washington Post дерегінше қылмыскерлер көлікті де зақымдап жатыр екен.
Ұрылар бұрынғыдай бензобакқа шланг салып, канистрін толтырып алмайды. Бакты теседі де, астына ыдыс қоя салады. Салдарынан көлік иесі бензинсіз қалғанымен қоймай, бүлінген техникасын жөндетуге мәжбүр.
Кейінгі кезде сервистік орталықтарға осы мәселемен аптасына бірнеше адам жүгінетін болған. Кей жағдайда машинаны қалпына келтіру үшін 3000 долларға дейін қаражат жұмсауға тура келеді.
Комментариев: 0