Шенділерге жол сапасының нашарлығын хабарлау оңай болуы тиіс. Осы мақсатта Қазақстанда арнайы Telegram-канал іске қосылды. Бұл жайлы «Сапалы жол» жемқорлыққа қарсы жобалық кеңсе әкімшісі Сырым Елубаев Facebook парақшасында хабарлады.
Жуырда @USO_bot деп аталатын Telegram-боттың қосылғанын ескертемін. Ол арқылы сіздер орталыққа сапасы нашар жол бөлігі туралы хабарлай аласыздар, — деп жазды Сырым Елубаев.
Бот қызметін пайдалану үшін оны іздеу жолағынан тауып, start батырмасын басасыз да, атыңыз бен телефоныңыздың нөмірін жазасыз.
Содан кейін сапасыз жол бөлігінің фотосуретін жіберіп, мәселені баяндап, жазба қалдыруға болады. Артынша сізден тұрған жеріңіздің координатын жіберу сұралады.
Комментариев: 0