Нұр-Сұлтан — Щучинск, Нұр-Сұлтан — Теміртау, Алматы — Қапшағай және Алматы — Қорғас ақылы жолдарынан өту барысында төлем жасаудан жалтармақ болғандардың әрекеті тіркелуде. «QazAvtoJol ҰК» АҚ-ның баспасөз қызметі хабарлағандай, төлем қабылдау орындарында сондай 309 ереже бұзу оқиғасы тіркелді, 11 көлік айыппұл тұрағына жіберіліп, жүргізушілері жүргізу куәлігінен бір жылға айырылды.
Жол мамандарының айтуынша, жол ақысын төлегісі келмейтіндердің ішінде жеңіл көлік иелері ғана емес, жүк көлігін тізгіндегендер де бар. Жүргізушілер мемлекеттік нөмірді қолда бар (қағаз, қамыт және т.б.) заттармен жасырады, ал кейде тіпті айлалы механикалық құрылғылар ойлап табады. Мұндай адамдар төлемнің дұрыс есептелмеуінен бөлек, өзге жүргізушілерге де кедергі келтіріп, шлагбаум алдында көлік кептелісін туындатады.
Естеріңізге сала кетейік, Kolesa.kz мобильді қосымшасының көмегімен балансты тексеріп, ақылы жолдар үшін екі есе төмен мөлшерде төлем жасауға болады.
Kolesa.kz мобильді қосымшасын орнатыңыз
Комментариев: 0