Kompetenz компаниясы жүргізген зерттеулер көрсеткендей, көлік тізгіндеу өтілі бес жылға дейінгі жүргізушілердің кінәсінен 37 % апат орын алған. Сақтандырушылардың айтуынша, 15 жылдан аса тәжірибесі бар жүргізушілер барлық тіркелген ЖКО-ның 18 пайызына кінәлі болса, жүргізу өтілі 5 жылдан 10 жылға дейінгілер — 17 %-ін құрайды.
Осы ретте тәжірибесіз жүргізушілер жол қозғалысының басқа қатысушыларымен жиірек соқтығысатын көрінеді. Бұған себеп — жылдамдықтың нақты жол талаптарына сай болмауы, арақашықтықты дұрыс сақтамау және жолдың қарсы бетіне шығып кету. Рөлге жаңа отырғандардың ақылға қонымсыз маневрлері әдетте көліктің сырғуына, жолдың жүріс бөлігінен ауытқып кетуіне не аударылуына әкеп соғады. Ал өтілі 5 жылдан 10 жылға дейінгі анағұрлым тәжірибелі жүргізушілер, өз кезегінде, басып озу және қайта ауысу ережелерін көбірек бұзады екен.
Сонымен қатар, талдаушылар елдегі жол апаттарының басым бөлігіне айыпты болатын Lada, Toyota және Hyundai автокөліктерінің жүргізушілері екенін айтады, бұлардың үлесіне барлық жол апатының 40 пайызы тиеді екен. Алайда, бұл таңданарлық жәйт емес, себебі дәл осы маркалар Қазақстанда кең тараған.
Комментариев: 0