Жоғалмайтын кілт

Америкалық ару Tesla-ның кілт-картасын қолына енгізіп алған.

Эми ДиДи (AmieDD) инженер-бағдарламашы және бірнеше жыл бұрын қолына RFID-таңба енгізіп алған, ол оны үйдің есігін ашатын және смартфонды бұғаттан шығаратын кілт ретінде пайдаланады, деп жазады «Популярная механика».

Tesla Model 3 сатып алғаннан кейін оның кілтін де қолында бар чипке жазып қоюды ұйғарғаны таңғалдырмайды, бірақ іс жүзінде бұл мүмкін емес болып шықты. Сол кезде Эми электромобильдің кілт-картасын ацетонда ерітіп, одан алынған чипті биополимердің ішіне салып, мамандардың оны қолына енгізіп беруін сұраған. Бұл процедура жүйкесі нашар адамдарға арналмаған, десе де нәтижесі көлік иесінің көңілінен шықты.

Соңғы кездері кілт, пластикалық карта және жол жүруге арналған құжаттар сынды заттарды қолына енгізіп алатындардың саны артып келеді. Алайда дәрігерлер одан төнетін қауіпті жоққа шығармайды: имлпанттар инфекцияның түсуіне түрткі болуы немесе адамның иммундық жүйесіне кері әсерін тигізуі мүмкін.