Toyota Corolla-ның GRMN нұсқасы болады

Gazoo Racing ательесі GR Corolla-ның атауын GRMN Corolla деп өзгерткен жаңа модификациясын әзірледі. Ол жарысқа қатысатын машина, бірақ жалпы жолға да шыға алады.

1 / 7

1 / 7

Автодромда желдей жүйіткігенді жақсы көретіндерге арналған модель аздап салмақ тастады. Инженерлер артқы диванын алып тастап, жел өтіп тұратын көмірпластик капот, қанаттар және сұсты бампер орнатты. Мұның бәрі машинаның массасын 1450 келіге дейін түсіруге мүмкіндік берді. Аэродинамикасын жақсарту үшін карбон антиқанат қойыпты, жүргізуші оны 5 градус шамасында қолмен реттей алады.

1.6 литрлік үш цилиндрлі турбомотор (G16E-GTS) стандарт 304 ат күшін береді, бірақ айналу моменті 415 Нм артты. Агрегат 6 сатылы механикамен (iMT) жұмыс істейді. Интеркулерге ауаны салқындатуға су бүрку жүйесі септеседі. Рөлдегі электрлі күшейткіш пен толық жетек жүйесі трекке жақсы жарайтындай бапталған.

GRMN Corolla-ның аспасында жаңа тіреулер мен серіппелер тұр, мамандар оны Нюрбургринг сияқты трассаларға сай өзгертіпті. Шинасы — Michelin Pilot Sport Cup 2.

1 / 5

Салонға күдері мен жасанды былғарының қоспасымен қапталған GRMN спорттық орындығы жайғасқан. Артындағы тіреуіш шанағын анағұрлым қатты етеді. Ателье аспаптар панелін карбон талшықпен әрлеп, қызыл акценттер мен Morizo (Акио Тойоданың жарыста қолданатын лақап аты) логотипін қосты.

Toyota GRMN Corolla биыл Жапониядағы зауыттың конвейеріне тұрады, бірақ өз отанында ғана емес, Аустралия және Солтүстік Америкада саудаға түседі. Бағасын кейін білеміз.

Комментариев: 0