АҚШ-та жүрген басқа электромобильдер сияқты Volkswagen ID.4 те Трамп саясатының салқынын сезді. 2025 жылдың IV тоқсанында саудасы бірден 61.6 % құлдырап, концерн басшылары модельді топтамадан мүлде алып тастау туралы шешім шығарды. Осы көктемде Чаттануга қаласындағы зауыттың конвейерінен кетті, дилерлер қазір қалғанын сатып жатыр.
Мәселе мұнымен бітпеді. Электрокарды алған бірнеше адам Volkswagen-ді сотқа берді, себебі батареядан кемшілік табылып, салдарынан қолдануға жарамай қалған деп жазды Autoblog.com.
SK Battery America (Оңтүстік Кореядағы SK On-ның филиалы) литий-ионды батареяны өндірген кезде ұяшық ішіндегі электродтар қозғалып кетіпті. Бұл 2024 жылы анықталды. Сол кезде батареяны жылдам қуаттаған сәтте аккумулятор қызып, өздігінен тұтанған, салдарынан 2023-2025 жылдары шыққан 100 мыңнан астам ID.4 сервиске баруға мәжбүр болды.
Компания ауыр апаттың алдын алу үшін батареяны 80 %-дан артық қуат алмайтындай етіп шектеп, көлік иелеріне тек түнде және тұрақты тоқ беретін бекетте энергия толтыруға рұқсат берді.
Клиенттердің шағымы да осымен байланысты. Сотқа жүгінгендер жылдам қуаттай алмасақ электромобильдің еш мәні жоқ, ал аккумулятордың көлемін кішірейту онсыз да алыс сапарға аттана алмайтын техниканың жүріс қорын кемітіп жіберді (300 км) деп арызданды. Концерн кезінде ID.4-ті автоөнеркәсіп саласының болашағы, сенімді әрі ұзақ мерзімді инвестиция ретінде ұсынған. Volkswagen елді алдағаны анық, өйткені үлкен даудың ортасында қалған модельдің құны түсіп, беделіне нұқсан келді.
Комментариев: 0