BYD робот жасап жатыр

BYD атқарушы вице-президенті Стелла Ли компания тұрмыста пайдалануға болатын адам бейнесіндегі робот жасап жатқанын айтты, деп хабарлады CarNewsChina.

Стелла Ли BYD-дің ЖИ саласындағы тәжірибесін робототехникаға қолдануға болады деп санайды, өйткені екі саланың ұқсастығы көп. Автоконцерннің ірі көлемді өндірісте, жеткізу желісін басқаруда және қауіпсіздік үшін аса маңызды жүйелерді әзірлеуде тәжірибесі мол. Ол компанияның өз өнімдерімен шектелмей, ашық платформа шығаруға ниетті екенін де атап өтті.

Компанияның бәсекелестері де осы бағытта жұмыс істеп жатыр. Көктемде Chery Қытайдағы дилерлік орталықтарында кеңесші қызметін атқаратын адам бейнесіндегі роботын онлайн сата бастаған. Ал Xpeng өзінің Xpeng Robotics бөлімшесін дамытып, жыл аяғына қарай жеке андроидын шығарады.

Робототехникаға Қытай автокомпаниялары ғана қызығып отырған жоқ. Tesla өз желісін әзірлей бастаса, Hyundai 2021 жылы Boston Dynamics компаниясын сатып алды. Қазір адамға ұқсайтын роботтың әлемдік нарығы 4.2–6.2 млрд долларға жетті. RBC Capital Markets мамандары сектордың потенциалы (сервистік желіні, жөндеу қызметі және бағдарламалық жасақтаманы қоса алғанда) 2050 жылға қарай 9 трлн долларға жуықтайды деп болжады.