Жеңілдікті автонесие бағдарламасына қалай қатысуға болады? Ол үшін мыналар қажет:
- Автосалонға хабарласып, елде құрастырылған көлік таңдау керек.
- Автосалоннан қарыз алушы машинаның VIN-коды көрсетілген төлем шотын алады. Шот 5 банк күніне ғана жарамды.
- Сатып алушы VIN-код көрсетілген төлем шотын алып банкке барады.
- Өтінім қабылданған сәттен бастап банк сатып алушыны электронды кезекке қояды.
- Банк қарыз алушының төлем қабілеті мен несие тарихын бағалап, мақұлдаса несиеге рұқсат және 5 банк күніне жарамды кепілхат береді.
- Кепілхатты алғаннан кейін сатып алушы машинаны өз атына рәсімдеу үшін дилерлік орталыққа хабарласуы керек.
- Сатып алушы кепілхатты алған күннен бастап 10 банк күнінен кешікпей банктік қарыз шартын жасамаса, кезектен шығарылады.
Өтінім бергеннен кейін сатып алушы таңдаған көлігінің маркасы мен моделін өзгерте алмайды және кезегін өзге адамға бере алмайды. Бас тартса, қарыз алушы электронды кезектен шығарылады да, оның орнына өзге өтініш беруші қосылады. Бір адам бағдарламаға екі жылда бір рет қана қатыса алады.
Қарыз алушының төлем қабілетін тексеріп, автонесиені бекітуге банк жауапты. Өтінім мақұлданғаннан кейін көлік алатын азамат өз мәртебесін (онлайн-кезегін) тиісті банктің платформасында қадағалап отырады.
Кезегіңізді мына сайт бөлімдерінен қарай аласыз:
ForteBank
Қазақстан халық банкі
Еуразиялық банк
Банк ЦентрКредит.
Автосалон менеджерлері өтінім бойынша кеңес береді. Бір тұтынушы екінші деңгейлі әртүрлі банкке өтініш бере алады.
Автонесие мынадай шарттармен беріледі:
- сыйақы мөлшерлемесі — 4 %
- несие сомасы — 10 миллион теңгеден аспайды
- қаржыландыру мерзімі — 7 жылдан аспайды
- бастапқы төлем — 0 %
- көлік құны — 15 миллион теңгеден аспайды (10 миллионы ғана несиемен, артығын қарыз алушы өзі төлейді).
Комментариев: 0