Индустрия және инфрақұрылымдық даму министрі Марат Қарабаев пайызы төмен автонесие бағдарламасына өзгеріс енетінін хабарлады. Шенеунік бағдарламаға бұрынғыдай револьверлік жолмен қайтқан ақша жұмсалатынын айтты, бірақ 500 автомобильге жететін, яғни 5 млрд теңге жиналғанда ғана несиеге өтінім қабылдайды. Қарыз алған тұрғындар қазірге дейін 4 млрд теңге қайтарды. Қалған ақша мөлшермен бір айда жиналады. Содан кейін өтінім қабылдау басталады.
Қарабаев жаңарған жеңілдікті автонесие шартына маңызды төрт тармақ қосылатынын айтты:
- Автомобиль бағасының 15 %-ы мөлшеріндегі бастапқы төлем. Министр бұған дейін мұндай талап болмағанын, енді соны енгізгелі отырғанын жеткізді.
- Әділ өту үшін автонесие алған азаматтардың аты-жөнін жариялау.
Бағасы 15 млн теңгеден асатын машинаны бағдарламадан алып тастауы мүмкін. Мысалы, Kia Sportage бен Hyundai Tucson-ның үздік комплектациясын.
Бағдарламаға қатысатын тұрғындардың ең жоғарғы жалақы шегін белгілеу (қалай болатыны қазірше белгісіз), бұл шартты аз қамтылған азаматтарға мүмкіндік беру үшін енгізіп отыр.
ИИДМ басшысы мұның бәрі нақты шешім емес екенін атап өтті.
Бұған дейін Kolesa.kz редакциясына Өнеркәсіпті дамыту қоры жеңілдікті автонесиені халықтың кей санатына ғана беру жоспарланып отырғанын хабарлаған.
Комментариев: 0