«Автонесие жайлы айтсақ, бүгін отырыста шешім қабылданды. Бұрын забарлағанымыздай, осы айдың аяғында жұмыс бастаймыз. Шешім ресми қабылданды. Енді әріптестеріміз жұмысқа кіріседі», — деді бүгін ҚР ИИДМ басшысы Қайырбек Өскенбаев.
Сонымен қатар министр автосалондардағы көлік тапшылығы жайлы білетінін айтты.
«Азаматтар үш-төрт ай бойы кезекте тұр. Енді мен тапсырма беремін. Егер жағдай расымен осындай болса, тұрғындардың отандық автокөлік алуына мүмкіндік беретін тиісті шараларды қолға аламыз», — деп уәде берді министр.
Жеңілдетілген автонесие бағдарламасының шарттары белгілі болды. ҚР ИИДМ сайтында жарияланған ақпаратқа сүйенсек, бағдарлама бойынша қаржыландыру сомасы шамамен 100 млрд теңге. Оның 30 миллиард өңірлердегі автобус паркін жаңартуға жұмсалады.
Екінші деңгейлі банктердің Қазақстанда өндірілген автокөліктерді сатып алуға несие беру шарттары мынадай:
- сыйақы мөлшерлемесі — 4 пайыз
- несие сомасы — 10 миллион теңгеден аспайды
- қаржыландыру мерзімі — 7 жылдан аспайды
- бастапқы жарна — 0 %
- көлік құны — 15 миллион теңгеден аспайды.
Азаматтар тек екі жылда бір рет жеңілдетілген автонесие ала алады.
Банктерде қарыз алушыларды қаржыландырудың жағдайы мен мерзімін қадағалайтын автоматтандырылған жүйе болуы міндетті.
Комментариев: 0