Бүгін индустрия және инфрақұрылымдық даму министрі Марат Қарабаев пайызы төмен автонесие бағдарламасы қашан іске қосылатынын айтты. Осы аптада Өнеркәсіпті дамыту қоры брифинг өткізіп, бағдарлама басталатын уақыт пен шарттарын жариялайды.
«Бағдарламаны ай аяғына дейін іске қосуға тырысып жатырмыз. Бағдарлама механизмін қайта қараймыз. Бұған дейін азаматтар алдымен автосалонға, содан кейін банкке баратын. Енді „Өнеркәсіпті дамыту қоры“ АҚ басқа механизм ұсынып отыр, ол бойынша автонесие алғысы келген тұрғын алдымен қорға, содан кейін автосалонға барады. Осылай болғанда автосалон келіскен мерзімде автомобиль бере алады», — деді министр.
Жаңарған бағдарлама 2022 жылы мамырда басталған. Оған бөлінген қаржы тамызда таусылды. Өнеркәсіпті дамыту қоры қарашаның аяғында несие беруді қайта бастап, онлайн өтініш қабылдауды жоспарлаған. Кейін бағдарлама басталатын мерзім желтоқсанға шегерілді, көп өтпей Өнеркәсіпті дамыту қорынан хабар үзілді. Жаңа жылға бір апта қалғанда Қазақстан Даму банкі автонесие беру қаңтарда қайта басталатынын хабарлап, екі бағдарламаны (ескі және жаңа) біріктіретінін айтты. Бірақ қолда бар ақпаратқа сүйенсек, бұл мәселе биыл наурызға дейін шешілмейді. Қазірше қаржы бөлумен жалғасты ӨДҚ айналысады.
Комментариев: 0