Биыл ақпанда пайызы төмен автонесиеге өтінім қабылдау 18 секундта аяқтап, Өнеркәсіпті дамыту қоры бағдарлама наурызда қайта жалғасатынын хабарлаған. Кейін қор төрағасының орынбасары Ринат Ғаппаров бұл ақпаратты растап, наурыздан бастап ай сайын автонесие берілетінін айтты.
Шенділер уәде еткен ай бітуге таяды, бірақ тұрғындар өтінім бере алмай отыр. Өнеркәсіпті дамыту қорынан әлі хабар жоқ. Олар бағдарламаға өтініш қабылдау қашан басталатынын білмейтінін айтты.
Жаңарған пайызы төмен автонесие өтініш берген тұрғындар мен билік сынына ұшырады. Редакцияға бағдарлама қайта қаралып жатқаны жайлы ақпарат жетті. Қандай өзгеріс болатыны қазірше белгісіз. Демек өтінім қабылдау бағдарламаға қатысты жаңа шешім шыққаннан кейін ғана басталады.
Бағдарламаға бұрын берілген несиеден қайтқан қаржы жұмсалады. Былтыр жаздан бері автонесиеге небәрі 761 өтінім қабылдады. Демек келесі жолы жеңілдікті несиеге берілетін көлік саны жүзге де жетпеуі мүмкін. Келесі өтінім қабылдау қанша секундта аяқталады деп ойлайсыз?
Комментариев: 0