ҚР Экология, геология және табиғи ресурстар министрі Серікқали Брекешев осы жұмада «Жасыл Даму» шотынан қаржы аударылатынын ғана айтты.
«6 мамырға дейін барлық қажетті процедураны аяқтап, Өнеркәсіпті дамыту қорына ақша аудара бастаймыз»«, — деді шенеунік.
Бұл пайызы төмен автонесие бағдарламасы 6 мамырда басталады дегенді білдірмейді.
«Мұның бәрі белгілі бір уақытты қажет ететін техникалық процедуралар. Оған бірнеше күн кетуі мүмкін. Бұл рәсімдер келесі аптада басталады деп ойлаймын», — деді индустрия және инфрақұрылымдық даму министрі Қайырбек Өскенбаев.
Шенділердің айтуынша Өнеркәсіпті дамыту қоры ақша алғаннан кейін оны автонесие беретін екінші деңгейлі банктерге аударады.
Министрлер бағдарлама қашан іске қосылатынын айтқан жоқ. Kolesa.kz редакциясына белгілі деректерге сүйенсек, қазір оған қай банктер қатысатыны және қанша қаржы бөлінетіні анықталып жатыр.
Бұған дейін вице-премьер Роман Скляр автонесие биыл сәуірден бастап берілетінін айтқан.
Комментариев: 0