Алматыдағы Сүйінбай даңғылында бірнеше көлік қатысқан жол апаты болды. Zakon.kz берген мәліметке сүйенсек, Toyota Camry даңғыл бойымен қозғалып бара жатқан. «Саяхат» сауда үйіне жақын қалғанда, кенет жолға ер адам жүгіріп шығады. Жүргізуші тоқтап үлгереді, ал жаяу жүргінші кең жолдың бір бөлігін кесіп өтіп, ортадағы жолақта тұрып қалған.
1 / 7
Сол сәтте солтүстік бағытта тағы бір Camry келе жатады. Оны тізгіндеген азамат тежеуішті басқанмен, арттағы Nissan оны айналып өтем деп, көшені бөліп тұрған жолаққа шығып кетеді. Ол жаяу жүргіншіні қағып, қарсы беттегі Camry-ге соғылған. Салдарынан сол маңнан өтіп бара жатқан Nissan Cefiro да зақымдалды.
Жол апатынан жаяу жүргінші ғана зардап шекті. Бірнеше жарақат алған ер адам аурханаға жеткізілген.
Комментариев: 0