Жаңартылған Hyundai Accent-тің (Ресейде Solaris) сырт кейпі қандай болатынын біз бұрыннан білеміз. Ал техникалық жағына қатысты сұрақ көп еді. Ресми таныстырылымнан кейін бәрі белгілі болды.
Көлік қозғалтқышында еш өзгеріс жоқ. Машинаға 100 аттың күшін беретін 1.4 литрлік Kappa мен 123 ат күшіне ие 1.6 литрлік Gamma 1.6 орнатылады. Қазақстанға бұлардың тек соңғысы жетеді. Мотор механикалық не 6 сатылы автоматты беріліс қорабымен жұптаса жұмыс істейді.
Көлік салоны біршама өзгерген. Марка өкілдері дыбыс оқшаулау жүйесінің сапалы болатынын айтады. Нақтырақ айтсақ, мұнда сөз дөңгелек аркалары жайлы болып отыр. Алғашқы ресми суреттерден аналогтық аспаптар панелін байқаған едік. Ал Verna сияқты цифрлық панель тіпті опциялар тізімінде жоқ. Медиажүйенің экраны бір дюймге ұлғайған. Ол Apple CarPlay және Android Auto-мен жұмыс істей алады, сонымен қатар «Яндекс.Навигатор» қосымшасымен жабдықталады.
Сәл қымбаттау жиынтықты қалайтындар үшін айналардың электрлі жетегі, бел тірегішті реттеу, қозғалтқышты қашықтықтан іске қосу, екінші қатардағы USB-рәзеткі сияқты қосымша мүмкіндіктер пайда болды.
Су жаңа темір тұлпардың Қазақстанға қашан жететіні белгісіз, ал Ресейде жуырда сатыла бастайды.
Hyundai Solaris-тің рестайлингтен өткен нұсқасын дәл зауытта өткізуге себеп болған — кәсіпорынның өзіндік мерейтойы. Дәл осы көпке көрсетілген седан зауыт конвейерінен шыққан екі миллионыншы көлік болып табылады. Ал осы уақытқа дейін Solaris-тің 930 мың данасы жарық көрген.
Комментариев: 0