Hyundai жаңа Accent-ті ресми таныстырды

Hyundai жаңа буындағы Accent-ті көрсетті. Болашақта көп елдің нарығына шығатын модель Үндістанда Verna атауымен жарық көрді. Машина кәдімгідей іріленіп, дизайны жаңарды және жаңа турбомоторға ие болды. Үнді елінде бағасы 6 млн теңгеден басталады.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

Ось арасына 70 мм қосылып, көлік 130 мм ұзырыпты. Өлшемі — 4535×1765×1475 мм. Дөңгелек базасы — 2670 мм. Жүксалғыш көлемі 480-нен 528 литрге ұлғайған.

Экстерьері Hyundai-нің үлкен модельдерін еске салады. Радиатор торы ірілеу, қыры көп және артқы шанақ тіреуі өзгеше. Оптикасы жарықдоидты, капот жиегіндегі жанатын жолақ үш элементтен тұрады, бірақ оны тек қымбат нұсқасынан көреміз.

1 / 5

• 
• 
• 
• 
• 

1 / 5

Интерьеріндегі негізгі ерекшелік — бір блокқа біріккен екі экран. Олардың диагоналі 10.25 дюймге жетуі мүмкін, алайда бюджеттік түріне 8 дюймдік дисплей орнатады. Ал ең арзан машинада медиажүйе де, цифрлы аспаптар панелі де болмайды. Сенсорлы панельдегі реттегіштер мен батырмалардың Функциясын баптау арқылы өзгертуге болады.

Жабдықтар тізімінде былғары қаптама, электр көмегімен реттелетін орындықтар, желдету жүйесі, климат-бақылау және атмосфералық жарық бар. Алты қауіпсіздік жастығы, ABS және ESP болады. Ең қымбат түрленімі жүргізушіге көмек беретін көмекшілер кешенімен толық жабдықталады.

Жаңа модельдің мотор гаммасында 115 ат күші мен 144 Нм момент беретін 1.5 литрлік қозғалтқыш бар. Ол 6 сатылы механика не IVT вариаторымен жұмыс істейді. Қымбат седандар 160 ат күшіне ие (253 Нм) көлемі дәл сондай жаңа турбомотормен жүреді. Бұл агрегат механика не 7 диапазонды роботпен жұптасады. Турбонұсқаның тағы бір ерекшелігі — артқы дөңгелегіндегі дискілі тежеуіштер.

Hyundai жаңа моделін басқа елдерде саудалауға қатысты жоспарын жария етпеді. Дегенмен Санкт-Петербургтегі кәсіпорын жұмысы тоқтағанын ескерсек, компания Үндістандағы зауытта өндіріс көлемін арттырып, модельдерін экспортқа шығаруы мүмкін.