Америкада Hyundai және Kia-ны тағы сервиске шақырады

Үздік Оңтүстік Кореялық автоөндіруші АҚШ-тағы 2010–2019 жылдары шыққан 3 372 743 автомобильді сервиске шақырып жатыр. Тізімде отандық жіргізушілерге таныс Hyundai-нің 13 және Kia-ның 12 моделі бар:

Капот астындағы жерде ақау анықталған. Hyundai машиналарында антибұғаттау жүйесі модулінің тығыздағыш сақинасының материалы бастапқы сипаттамасын жоғалтқандықтан, одан сұйықтық бөлінуі мүмкін. Компания тежегіш сұйықтығының ағуы қысқа тұйықталуға әкелуі мүмкін екенін ескертеді. Оның белгілері — қозғалтқыш бөлігіндегі түтін шығу, жану немесе балқыған иістің пайда болуы және ABS индикаторының іске қосылуы. Қолайсыз жағдай кезінде өрт шығу қаупі жоғары.

Kia мамандары өрт ошағы гидравликалық басқарудың электрлі блогы деп отыр. Сұйықтық ағып, қысқа тұйықталу болады да, артынша өрт тұтанады екен. Автомобиль жүріп келе жатыр ма, әлде бір орында тұр маңызды емес.

Hyundai 21 өрт және тұтану, жану және капот асты кеңістік балқыған 22 жағдай туралы хабар алған. Ал Kia мұндай 13 оқиға тіркеген. Әзірге ақау салдарынан зардап шеккендер мен жарақат алғандар жоқ.

Компания машиналарды сервиске шақырып, ақауды жою жұмыстарын жүргізіп жатқанда жүргізушілерге машинасын ғимарат жанынан алыс жерге тұраққа қоюға кеңес берді. Қарашаның екінші жартысынан бастап көлік иелері хабарлама ала бастайды, содан кейін олар марканың дилеріне барып, тоқ сақтандырғышын ауыстырып, басқа да қажет жұмыстар жасата алады. Барлық шығынды өндіруші төлейді.

Сіздің автомобиль сервиске шақыратын қатарында бар ма, жоқ па NHTSA сайтынан көре аласыз. Бірақ кампания Қазақстан нарығына жарамайды. Десе де болжалды ақауды тексеріп алған артық етпес.