Жанармай құю бекетіндегі газдың шекті құнын белгілейтін бұйрыққа түзету енгізу жобасын Бәсекелестікті қорғау және дамыту агенттігі дайындады. Құжатқа сәйкес сұйытылған мұнай газының бөлшек бағасы 2023 жылғы 1 шілдеден бастап 4 теңге өседі. Атап айтқанда:
- Астана қаласы, Ақмола, Қостанай, Қарағанды, Павлодар, Абай, Жетісу, Ұлытау және Шығыс Қазақстан облыстарында — 70–74 теңге;
- Алматы қаласы, Алматы облысы, Солтүстік Қазақстан облысында — 75–79 теңге;
- Ақтөбе, Атырау, Маңғыстау облысында — 50–54 теңгеге дейін;
- Шымкент, БҚО, Қызылорда, Түркістан облысында — 60–64 теңге;
- Жамбыл облысында — 65–69 теңге.
Бәсекелестікті қорғау және дамыту агенттігі бұйрық жобасында 2023 жылғы 1 шілдеден бастап елімізде сұйытылған мұнай газының көтерме бағасы 20 % (33 600 теңгеден 40 320 теңгеге) өсетінін атап өткен.
Сұйытылған мұнай газ нарығында алшақтық болмас үшін оның бөлшек сауда бағасын ел бойынша литріне 4 теңге көтеруді ұсынып отырмыз деп түсіндірді мекеме.
Бұған дейін Энергетика министрлігі газ құны бензин бағасының 70 %-ына жетуі керек екенін айтқан. Осыдан кейін Алматы қаласы, ШҚО, СҚО, Алматы және Абай облыстарында баға өзгерді. Енді көгілдір отын тағы қымбаттайды.
Өткен аптадан бері Ақтөбе облысында автогаз тапшы болып жатыр.
Комментариев: 0