Changan мен Huawei және аккумулятор шығаратын CATL бірлесІп құрған Avatr маркасы Қытай нарығына 2026 жылғы 07 кроссоверін шығарды. Сырт келбеті мен интерьер дизайны айтарлықтай өзгермеген, бірақ заманауи медиажүйе алды, кейбір нұсқада сыйымдылығы жоғары аккумулятор бар. Бағасы бұрынғыдай 219 900-279 900 юань (16.8–21.4 млн теңге) аралығында.
Компания
Гибрид бір немесе екі электромотор алуы мүмкін, бірақ қуаты аз болады. Артқысы — 314, алдыңғысы 178 ат күшіне ие. Батареядан бөлек 1.5 литрлік бензинді қозғалтқыш та электр қуатын береді. Базалық моножетекті нұсқасы 39 кВт·сағ аккумулятормен жүреді және электр қуатымен 195 км еңсере алады, үш моторлы модификацияға жаңа 52 киловаттық батарея орнатылады, онымен 333 км жүріп өтеді. Бензоэлектрлі көліктің жалпы жүріс қоры 1200 шақырым.
Бренд 07 шассиін жаңартып, жаңа серіппелер мен тұрақтандырғыштар орнатқан. Clear Blue реңкті жаңа шанақ түсі пайда болды, салоны қоңыр түспен әрленді. Жабдықтар тізімінде Huawei-дің ADS4 атты заманауи автопилоты бар, ол 130 км/сағ жылдамдықта жол жағдайына бейімделе алады. Мультимедиа жүйесі бұрынғыдай алдыңғы әйнекті бойлай орналасқан 35.4 дюймдік дисплей мен ортадағы тачскриннен (15.6 дюйм) тұрады, бірақ енді автопилоттағыдай операциялық жүйемен жұмыс істейді. 4 литрлік тоңазытқыш опция ретінде қолжетімді.
Комментариев: 0