Жаңа Toyota RAV4-тің алғашқы фотосуреті

Алтыншы буындағы Toyota RAV4-тің алдыңғы бөлігі брендтің қазіргі стиліне сай болады, бірақ бұрынғы платформасын сақтап қалады деп жазды Creative Trend. Басылым жаңа өнімнің алғашқы суреті Қытайдағы Toyota мен GAC бірлескен кәсіпорнының конференциясында көрсетілгенін хабарлады.

Фотосуреттен жаңа кроссовер Toyota RAV4-тің қазіргі нұсқасынан адыңғы бөлігінің дизайнымен ерекшеленетінін байқауға болады. Бедерлі капот, қырлы бампер, С пішінді оптика және шанақ түстес радиатор торы көзге түседі. Соңғы екі элемент брендтің қазіргі стиліне сай келеді. Мысалы, электрлі Toyota-лар осындай жарық техникасымен, Toyota Crown топтамасы осындай радиатор торымен жабдықталған.

Автомобиль қырлы дөңгелек аркасы және штампы бар бедерлі бүйірімен ерекшеленеді.

Кей дереккөзге сенсек, Қытайдағы конференцияда жергілікті нарыққа арналған Toyota Wildlander-дің алғашқы фотосы көрсетілген болуы мүмкін. Ол — Toyota мен GAC бірге шығарған RAV4-тің клоны. Бірақ танымал кроссовердің әлем нарығына арналған нұсқасының сырт пішіні осындай болады деген болжам бар. Оның үстіне жаңа өнімнің кейбір дизайн деталі RAV4 прототипінің элементтермен сәйкес келеді.

Қолда бар ақпарат бойынша буыны алмасқанда RAV4-тің электрлі нұсқасы шығады. Дәстүрлі күштік құрылымы негізінен гибрид болады, бірақ модельдің 2 литрлік бензинді мотормен жүретін түрленімі қатардан қалмайды. Кроссовер биыл жарық көреді.