Жаңа Pajero-ның суреттері мен сипаттамасы

Компания 2 қыркүйекте Pajero-ның бесінші буынын ресми түрде таныстырды. Төртінші буын көтергіш шанақ және тәуелсіз аспамен жабдықталса, жаңа өнім классикалық рама және артқы қиылмаған белдік алды. Алдыңғы аспада қос көлденең иінтірек, артында бес иінтірек тұр.

1 / 3

• 
• 
• 

1 / 3

Жаңа Pajero-ның шассиі қазіргі L200 (Triton) пикабына негізделген, себебі дөңгелек базасы бірдей (2870 мм). Жол талғамайтын көліктің ұзындығы — 4920 мм, ені — 1925 мм, биіктігі — 1910 мм. Клиренсі — 230 мм. Кіру, рампа және шығу бұрышы — 30.4, 22.6 және 25.8 градус.

1 / 7

• 
• 
• 
• 
• 
• 
• 

1 / 7

Сырт келбеті 2024 жылы жарық көрген DST концептісіне ұқсайды, бірақ Pajero әлдеқайда қырлы көрінеді, алдыңғы және артқы бөлігіндегі Т тәрізді жарық техникасымен ерекшеленеді.

1 / 9

• 
• 
• 
• 
• 
• 
• 
• 
• 

1 / 9

Үш қатарлы салонда екі 14.3 дюймдік экран бар. Ортаңғы экранның астында климат-бақылау жүйесін басқаратын панель тұр. Консольдегі ірі шайба үлестіргішті басқарады. Mitsubishi жол талғамайтын көліктерге тән маңызды элементті де ұмытпай, алдыңғы жолаушыға арналған тұтқаны алдыңғы панельге орнатты.

Модельде сегіз қауіпсіздік жастығы бар, ортаңғысы алдыңғы орындықтардың арасында. Жабдықтар тізіміне айнала шолу камерасы, жүргізуші ассистенттерінің жинағы, MI-PILOT жартылай автономды басқару жүйесі, үш аймақты климат-бақылау, орындықтарды желдеткіш, 12 динамикті Yamaha аудиожүйесі және т.б. кіреді.

Алғашқы кезеңде Pajero 204 ат күшін және 480 Нм момент беретін 2.4 литрлік турбодизельмен ғана жүреді. Қозғалтқыш 8 сатылы автомат және төмен берілісі бар, артқы дифференциалы бұғатталатын Super Select 4WD-II толық жетек жүйесімен жұптаса жұмыс істейді.

Бренд Pajero-ны бірінші Таиландта сатады және 2026 жылдың аяғына дейін осында жасалады. Кейін Жапония мен Аустралияға аттанады, содан соң ғана әлемдік нарыққа шығады. Mitsubishi модельді жүзден астам елде саудалауды жоспарлап отыр.