Кабинасы жоқ Chevrolet Silverado

Концерннің GM Defense бөлімшесі AUSA 2026 әскери көрмесінде Silverado 3500 HD моделіне негізделген пилотсыз жүк көлігін көрсетті. Мұндай техника UGV — Unmanned Ground Vehicle категориясына жатады.

Түпнұсқа пикапқа мұның алды мен мотор тұрған жері ғана ұқсайды. Кабинасы жоқ, қалған бөлігін 3600 келі жүк сыятын платформа алып жатыр. Scout AI компаниясы жасаған Gx Ground Agent жасанды интеллект жүйесі адамның қатысуынсыз, толықтай автономды қозғалуын қамтамасыз етеді.

Техникалық жағынан концепт тізбекті гибрид саналады: дөңгелектерін алдыңғы және артқы осіндегі электрлі қозғалтқыштар айналдырады, ал капот астындағы 2.8 литрлік Duramax моторы тек 100 кВт·сағ аккумуляторды қуаттайды.

Ресми атауы жоқ UGV азық-түлік тасып, жараланған адамдарды көшіруге арналған. Пилотсыз көлікке қару-жарақ модульдерін, дронмен күресетін жүйелерді орнатуға да болады. Америка әскері оны келер жылы сынап көреді.