Жаңа Lexus RX Жапонияда қанша тұрады

Кроссовер өз елінде 18 қарашада сатылымға шығады.

21 қараша 202221 қараша 2022 | | 551

Авторы: Виктор Сухоруков

Lexus биыл жаз басында RX кроссоверінің бесінші буынын таныстырған. Машинаның ұзындығы өзгермегенімен, дөңгелек базасы ұлғайып, толық басқарылатын шасси орнатылды әрі 3.5 литрлік атмосфералы V6-ның орнын 2.4 литрлік турбомотор басты. Кроссовер 2022 жылдың аяғында сатыла бастайды деп жоспарланған. Модельдің АҚШ-та 48.5–62.7 мың доллар (22.5–29.1 млн теңге) тұратыны белгілі. Енді Жапониядағы бағасы жарияланды.

Lexus RX-тың 275 ат күшін (430 Нм) беретін T24A-FTS орнатылған, алдыңғы жетекті ең арзан нұсқасы RX 350 Жапонияда 6 640 000 иенге (21.9 млн теңге) сатылады.

1 / 9

Стали известны цены на Lexus RX в Японии

Lexus RX350

1 / 9

Ал 2.4 литрлік турбомоторы мен артқы осьтегі электромоторы жалпы 372 ат күшіне (550 Нм) ие параллель гибрид нұсқасы RX500h 9 000 000 иен (29.7 млн теңге) тұрады.

1 / 8

Lexus RX500h

1 / 8

Бесінші буындағы Lexus RX Қазақстанға қашан келетіні нақты белгісіз, бірақ 2023 жылдың бірінші тоқсанының аяғына дейін келуі мүмкін. Мысалы: 2021 жылы қазанда тұсаукесері өткен Lexus LX 600-дің біздің елдегі бағасы биыл сәуірде белгілі болды.

Комментариев: 0