Hyundai компаниясының Қазақстандағы ресми өкілі биыл маусымда таныстырылған Santa Fe-нің баға парағын жариялады.
Біз үшін екі агрегат: 180 ат күшіне ие 2.5 литрлік және 272 ат күшін беретін 3.5 литрлік мотор қолжетімді болады. Алғашқы қозғалтқыш 6 сатылы автоматпен, екіншісі 8 сатылы қораппен жұмыс істейді.
Santa Fe-нің бағасы 13.8 млн теңгеден басталады. Осы Comfort нұсқасы бұрын 13.4 млн теңге тұратын. 2.5 литрлік қозғалтқышы бар 5 орындық үздік нұсқасы 17.2 млн теңгеге бағаланды, ал жеті орындық көлік алам десеңіз, 17.6 млн теңге санап бересіз. 272 ат күшін беретін агрегат орнатылған машина үшін қосымша 1.3 млн (18.9 млн теңге) қаржы жұмсауға тура келеді.
Жаңа Santa Fe жарықдиодты шамдармен, кілтсіз ашу жүйесімен, алдыңғы орындықтарды, рөлді жылытқышпен 8 дюймдік дисплейі бар мультимедиа кешенімен, екі аймақты климат-бақылау жүйесімен және бірқатар электронды көмекшілермен жабдықталады. 12.3 дюймдік экран тек High Tech жиынтығында қолжетімді.
Комментариев: 0