Тамызда ресми дилерлер автобус пен жүк көлігін қосқанда 18 233 машина сатты. Бұл шілдедегі көрсеткіштен (18 836 дана) сәл төмен болса да, жаман емес сияқты. Жаңадан құрылған Қазақстанның автокөлік одағы (ҚАО) бұл былтыр тамыздағы нәтижемен салыстырғанда 59.5 % жоғары екенін хабарлады.
Сатылған көліктің басым бөлігі жеңіл көлік пен жеңіл коммерциялық техника (17 202). Жыл басынан отандық дилерлер 120 322 автомобиль (+60.5 %) өткізген.
Hyundai төртінші ай қатарынан көш бастап тұр. Кореялық брендтің тамызда 4624 көлігі иесіне жол тартты. Екінші орынға 3336 машина кілтін тапсырған «Шеви» жайғасты. Үздік үштікті 1713 моделі өткен Kia түйіндеді. Үздік бестіктегі қалған екі орынды Chery (1694) мен JAC (874) бөліп алды.
2023 жылғы тамыздағы үздік 10 марка
| Орын | Марка | 2023 жылғы тамыздағы сауда |
| 1 | Hyundai | 4624 |
| 2 | Chevrolet | 3336 |
| 3 | Kia | 1713 |
| 4 | Chery | 1694 |
| 5 | JAC | 874 |
| 6 | Toyota | 825 |
| 7 | Changan | 768 |
| 8 | Haval | 752 |
| 9 | Jetour | 634 |
| 10 | Geely | 386 |
Танымал модельдер тізімінде алтын бұрынғыша Chevrolet Cobalt-қа бұйырды. Арзан седанның ай сайын мыңдаған данасы өтіп жатыр. Мысалы, өткен айда 2030 автомобиль өз иесін тапты. Екінші және үшінші орынды Hyundai Tucson мен Kia Sportage өзара бөлісті.
Ал төртінші орынға 1.5 литрлік мотормен (109 а.к.) жүретін, алдыңғы жетекті, 7 миллион теңге тұратын Chery Tiggo 2 кроссовері жайғасты. Соңғы айда жүргізушілер 840 дана Chery Tiggo 2 сатып алған. 673 моделі өткен Chevrolet Onix бесінші қатардан орын алды.
Тамызда үздіктер тізімінде
Сегіз айдағы жалпы көрсеткіш бойынша Hyundai көшбасшы орнын сақтап қалды. Биыл бренд мыңнан аса машина өткізген. Соның
2023 жылғы 8 ай нәтижесі бойынша жаңа автомобильдер нарығындағы үздік 10 марка
| Орын | Марка | 2023 жылғы сегіз айдағы сауда |
| 1 | Hyundai | 31 381 |
| 2 | Chevrolet | 28 768 |
| 3 | Kia | 16 384 |
| 4 | Chery | 6977 |
| 5 | Toyota | 5698 |
| 6 | Haval | 4238 |
| 7 | JAC | 3896 |
| 8 | Changan | 3840 |
| 9 | Exeed | 2697 |
| 10 | Lexus | 2444 |
Комментариев: 0