Шілдедегі автонарық: Toyota Camry үздік ондыққа енді

2023 жылғы шілдеде елдегі ресми автонарық кезекті рекорд орнатты. Бір айда автосалондар коммерциялық техниканы қоса алғанда 18 836 машина сатты. Қазақстандық автобизнес қауымдастығы (ҚАБҚ) бұл маусымдағы көрсеткіштен 11.9 %, ал былтырғы ұқсас мезгілмен салыстырғанда 61.5 % жоғары екенін хабарлады. Сатылған көліктің басым бөлігі жеңіл автомобиль мен жеңіл коммерциялық техника (17 609 дана), клиенттер бар-жоғы 1227 автобус пен жүк көлігін алыпты. Жеті айдың нәтижесі бойынша ел аумағында биыл 102 087 (+60.5 %) авто өткен.

2023 жылғы шілдедегі үздік 10 марка

Hyundai үшінші ай қатарынан көш бастап тұр. Бренд дилерлері 5135 машинаның кілтін тапсырған, бұл былтырғы шілдемен салыстырғанда 97 % жоғары. 3754 көлік аз сатқан (6.2 % аз) Chevrolet екінші орынға жайғасты. Үздік үштікті 2303 моделі өткен Kia түйіндеді (+70.6 %). Төртінші орын — Toyota-нікі (1183 машина, +31 %). Нарыққа жапондар құрастырған Camry-дің оралуы осындай өзгеріс әкелді. Бесінші орын Chery (1019) брендіне бұйырды.

1 / 10

• 
• 
• 
• 
• 
• 
• 
• 
• 
• 

1 / 10

Танымал модельдер тізімінде көш бастаған Chevrolet Hyundai-мен орын алмастырды. Ал ең танымал модель ретінде Cobalt қалып отыр. Шілдеде 2155 арзан седан өз иесін тапты. Екінші орында — Kia Sportage (1240), үздіктер үштігін Hyundai Bayon хетчбэгі (1217) түйіндеді. «Оникс» төртінші (987), Hyundai Sonata бесінші (926) орынға жайғасты.

Биыл жалпы көрсеткіште өзгеріс болды. Hyundai Chevrolet-ні көшбасшы орнынан ығыстырды. Бірақ айырмашылық көп емес, Hyundai — 26 757, Chevrolet 25 432 көлік өткізді. Қола иегері Kia 14 761 сатып, Chery-дің (5283) өзімен бәсекелес болуына мүмкіндік қалдырмады.

2023 жылдың алғашқы жеті айындағы үздік 10 марка