Кейінгі кезде әлемде седанның танымалдығы төмендеп, оның орнын біртіндеп кроссовер басып келеді. Қазақстан нарығы біраз уақыттан бері әлемдік тенденцияға бағынбай, Chevrolet Cobalt көп адамның таңдауы түскен модель болды. Бірақ бірақ биыл бірінші жартыжылдықта Hyundai Tucson көш бастады, ал «Кобальт» екінші орынға жайғасты. Алайда біздің елде седанға сұраныс әлі көп, біз Қазақстанда ең көп өтетін төрт есікті машиналарды анықтадық.
Қазақстан нарығындағы үздік 5 седан
Елдегі ең әйгілі седан — Cobalt. Биыл алты айда бренд дилерлері 6631 машина сатты. Көбі маусымда өткен (1440 дана). Кобальттың 1.5 литрлік моторы мен механика қорабы бар нұсқасы 6 млн теңге тұрады, бұл — елдегі ең төмен бағалардың бірі. Сол үшін де бұл көлікке сұраныс жоғары.
2024 жылғы рейтингте Hyundai Elantra екінші орын алды. Кореялық седанның 1871 данасы өтті. Elantra біршама қымбат машина. Hyundai өткізіп жатқан түрлі акция мен ұсынысты есепке алмағанда бағасы 11–14.4 млн теңге шамасында. Ұзындығы 4.7 метр болатын модель Қазақстанда 1.6 және 2.0 литрлік мотормен жүреді. Біріншісі 6 сатылы автоматпен, екіншісі IVT вариаторымен жұптасады.
Үшінші сатыда Hyundai Sonata тұр. 8 сатылы автоматпен жұмыс істейтін 2.5 литрлік моторы бар седан 14–19.3 млн тұрады. Оған 2.3 млн теңгеге дейінгі жеңілдік жүріп жатыр. Алты айда автосалондар 1536 автомобиль саудалады.
Үздік бестікке Kia Cerato (1227 дана) мен Geely Emgrand (1196) енді. Екі автомобильдің ұзындығы — 4.64 метр, ал дөңгелек базасы — 2.7 метр.
Emgrand-тың мотор гаммасында 122 ат күшіне ие 1.5 литрлік агрегат қана бар, ол 5 сатылы механика немесе 6 сатылы автоматпен жұмыс істейді. Ал Корея өнімі 128 және 150 ат күшіне ие 1.6 және 2.0 литрлік моторлармен жүреді. Біріншісі механика және автомат қораппен, екіншісі тек автоматпен жұптасады. Бағалары шамалас. Emgrand — 9.2–11.3 млн, Cerato 11.1–14 млн тұрады. Emgrand клиенттерге базалық нұсқаның бағасын 6.6 млн теңгеге дейін түсіруге болатын жеңілдік ұсынады.
Toyota Camry нешінші орында?
Toyota Ресейден кеткен соң әйгілі седанның Қазақстан нарығындағы позициясы айтарлықтай өзгерді. Алты айда небәрі 937 Camry өтті, маусымдағы сауда жүз данаға да жетпеді. Мүмкін клиенттер жаңа буынын күтіп жүрген болар, бірақ ол қазір Қытайдан «сұр» импорт арқылы ғана келіп жатыр.
Camry рейтингте жетінші қатарға орналасты. «Камридің» ресми бағасы — 17.3–21.5 млн теңге. 206 ат күшін беретін 2.5 литрлік мотормен жүретін машина ғана сатылып жатыр.
Geely Emgrand ең өтімді Қытай моделі атағын сақтай ала ма?
Бірінші жартыжылдықта Emgrand Қазақстандағы ең көп өткен седандар тізімінде бесінші орын алды, бірақ жыл аяғына қарай арзанырақ Changan Alswin одан озып кетуі мүмкін. Рейтингте Alswin (1039 дана) алтыншы орында тұр. Маусым және мамырда Changan өнімі
Өзге Қытай өнімдері көп сатылған жоқ. Рейтингте Changan Uni-V (509 дана) — оныншы, Omoda S5 (438) — он бірінші, Chery Arizo 8 (394) он үшінші орын алды. Ал Hongqi H5 (54) он тоғызыншы сатыға жайғасты.
Бір экземпляры ғана өткен үш модель
Біздің елде аса танымал емес бірнеше седан жайлы айта кетейік. Алты айда Қазақстанда
2024 жылғы алты ай қорытындысы бойынша үздік 20 седан
| Орын | Модель | Алты айдағы сауда нәтижесі |
| 1 | Chevrolet Cobalt | 6631 |
| 2 | Hyundai Elantra | 1871 |
| 3 | Hyundai Sonata | 1536 |
| 4 | Kia Cerato | 1277 |
| 5 | Geely Emgrand | 1196 |
| 6 | Changan Alswin | 1039 |
| 7 | Toyota Camry | 937 |
| 8 | Kia K5 | 807 |
| 9 | Chevrolet Onix | 622 |
| 10 | Changan Uni-V | 509 |
| 11 | Omoda S5 | 438 |
| 12 | Lada Granta | 422 |
| 13 | Chery Arrizo 8 | 394 |
| 14 | Toyota Corolla | 380 |
| 15 | Chevrolet Lacetti | 201 |
| 16 | Lexus ES | 116 |
| 17 | Hyundai Accent | 82 |
| 18 | Mercedes-Benz |
63 |
| 19 | Hongqi H5 | 54 |
| 20 | Kia K8 | 51 |
Комментариев: 0