Оқиға кеше сағат 15:00 шамасында Бурное ауылы маңында болған. Кtk.kz телеарнасы 28 жастағы жүргізуші жаңбыр кезінде рөлге ие бола алмай, тіркемесі бар жүк көлігі аударылып қалғанын хабарлады. Фураға тиелген 25 тонна қарбыз Батыс Еуропа — Батыс Қытай тас жолында шашылып қалған. Полицейлер уақытша көлік қозғалысын тоқтатты. Жеңіл жараланған жүргізуші ауруханаға жатудан бас тартыпты.
Жол апатына қатысты полиция Әкімшілік кодекстің 610-бабы 1-бөлігі бойынша іс қозғады. Материалдық шығын келтірген оқыс оқиғаға кінәлі адам 20 АЕК мөлшерінде айыппұл төлейді немесе алты айға көлік жүргізу құқығынан айырылады.
Өткен аптада Алматы облысында да жол бойында қарбыз шашылған еді. Онда жеміс жүріп келе жатқан жүк көлігінен төгіліп қалған.
Шымкентте де жүк көлігі қатысқан жол апаты болды. Жол ережесін бұзып, теміржолға шығып кеткен Volvo FH12 жүк пойызына соғылды. Фураның жүргізушісі айыппұл төлейді немесе көлік жүргізу құқығынан айырылады.
Комментариев: 0