Zeekr 7X Қазақстанда ресми түрде сатылады

Zeekr-дің елдегі ресми дилерлері бірнеше аптадан бері 7X-ке алдын ала тапсырыс қабылдап жатыр, бірақ ресми сауда 6 қыркүйекте Алматыда өткен презентация барысында басталды.

Ресми Zeekr 7X-тің жеке кәсіпкерлер әкелетін көліктерден басты айырмашылығы — қуаттау порты. Еуропаға арналған машина DC-станция арқылы 480 кВт-қа дейін және үш фазалы AC-станциядан 22 кВт-қа дейін қуат қабылдай алатын CCS2 портымен жабдықталған. Ресми автомобильге 5 жыл немесе 100 000 км, ал батареяға 8 жыл немесе 200 000 км кепілдік беріледі.

1 / 9

• 
• 
• 
• 
• 
• 
• 
• 
• 

1 / 9

Zeekr 7X топтамада ортаға жайғасты. Марканың алғашқы моделі — 001-ге қарағанда арзан, ал ықшам X-тен ыңғайлы. Бренд кроссовердің екі артқы жетекті, бір толық жетекті нұсқасын ұсынады.

Біздің нарықтағы базалық модификация — Standard RWD. Артқы осьте орналасқан 422 ат күшіне ие бір электромотормен және 75 кВт·сағ батареямен жабдықталған. WLTP циклі бойынша жүріс қоры — 480 км. Бұл түрленімде жеті қауіпсіздік жастығы, жүргізуші ассистенттерінің заманауи кешені, үш аймақты климат-бақылау, алдыңғы орындықтарды жылытқыш, екі сымсыз қуаттағыш бар, медиажүйе 16 дюйм экраннан, 10 динамиктен тұрады. Бағасы — 22.2 млн теңге.

1 / 9

• 
• 
• 
• 
• 
• 
• 
• 
• 

1 / 9

Long Range комлектациясының құны — 23.7 млн теңге. Негізгі айырмашылығы — 100 кВт·сағ батарея, WLTP бойынша жүріс қоры 615 км-ге жетеді. Көлік артқы осьте орналасқан 422 ат күшін беретін қозғалтқышпен алғашқы жүздікті 6 секундта еңсереді, ең жоғары жылдамдығы — 210 км/сағ. Жабдықтар тізіміне 21 динамикті жақсарған аудиожүйе, проекциялық дисплей, алдыңғы орындықтарды жылытқыш, желдеткіш және массаж функциясы кіреді.

Анықтама ретінде: жеке компаниялар әкелетін Zeekr 7X-тің құны шамамен 18.6 млн теңгеден басталады.

Performance AWD — үздік Zeekr 7X. Ол 630 ат күшін (710 Нм) беретін екі мотормен жүреді. Мұндай Zeekr алғашқы жүздікті 3.8 секундта еңсереді. Батареясы Long Range-бен бірдей (100 кВт·сағ), бірақ жүріс қоры аз — 543 км (WLTP). Дәл осы конфигурацияны Kolesa.kz редакциясы жүріс қорын сынау барысында тексерді. Бейнероликті YouTube-арнадан көре аласыз.

Толық жетекті кроссоверді 20 немесе 21 дюймдік дискілерінен (қарапайым нұсқада — 19 дюйм) және алдындағы Zeekr Stargate интерактивті панелінен тануға болады. Салоны Nappa былғарысымен қапталған, электр жетекті есіктер опция ретінде ұсынылады, ал аспасына пневмоэлементтер орнатылған. Үздік 7X-тің бағасы — 25.2 млн теңге.

Zeekr дистрибьюторының өкілдері жыл аяғына дейін шамамен 75 ресми 7 шығады деп болжады, келер жылы шамамен 300 кроссовер сатуды жоспарлап отыр.