Қазақстан мен Қырғызстан 2022 жылы Ыстықкөлге баратын жол Алматы — Ұзынағаш — Қастек асуы — Қарасай батыр — Кемин — Ыстықкөл бағытымен өтеді деген келісімге келген. Economist. kg басылымы Азия даму банкіне сілтеме жасап хабарлағандай, жобаның алдын ала сметалық құны 140-150 млн долларды (шамамен 70 млрд теңге) құрайды. 20 %-ын жеке серіктес қаржыландырады, ал қалған 80 %-ын қарызға алады екен. Жобаға жұмсалатын шығын былай бөлінеді:
- Қазақстан — 59.4 %
- Қырғызстан — 40.6 %.
Жол үшінші категорияға жатады, яғни салмағы 10 тоннадан асатын жүк көлік жүре алмайды. Тәулігіне 2-4 мың автомобиль өтеді деген болжам бар. Алдын ала мәлімет бойынша құрылыс 2030 жылға қарай аяқталады.
Бұл концессиялық жоба, демек оны жеке серіктес 20 жыл басқарады. Осы мерзім ішінде жолды күтіп ұстау шығыны 42.2 млн долларды құрайды. Шығынды өтеу үшін жол ақылы болады. Бір көліктен 15 доллар (7 мың теңгеге жуық) алуы мүмкін.
Инфляцияны ескерсек, тариф жыл сайын 6 % өсіп отырады.
Көлге баратын жол қысқарса, көрші елге демалуға жиі барар ма едіңіз?
Комментариев: 0