Көлік министрлігі жолдарды ақылы ету жөніндегі бұйрық жобаларын дайындады. Құжаттарға сәйкес, жүргізушілер мына жолдармен жүргені үшін ақша төлейді:
- Ақтау — Бейнеу (454 км) тас жолында жеңіл көлік үшін жол ақысы қолма-қол төлем жасағанда 0.0379 АЕК, алдын ала төлем кезінде 0.0325 АЕК болады. Жүк көліктері мен автобустар төлем түріне, жолаушы санына немесе жүк көтергіштігіне байланысты 0.7205-3.6295 АЕК төлейді.
- Балқаш — Бурылбайтал (91 км) тас жолында жеңіл көлік үшін жол ақысы қолма-қол төлем жасағанда 0.0763 АЕК, алдын ала төлем кезінде 0.0661 АЕК болады. Жүк көліктері мен автобустар үшін — 0.1653-0.8138 АЕК.
- Қостанай — Денисовка (151 км) тас жолында жеңіл көлік үшін кейінгі төлем бойынша — 0.0331 АЕК, алдын ала төлем бойынша — 0.0280 АЕК. Жүк көліктері мен автобустар үшін — 0.2238-1.3327 АЕК.
- Қандыағаш — Мақат (380.525 км) тас жолында жүк көліктері мен автобустар үшін —
0.5646-3.3622 АЕК. - Таразды айналып өтетін жолда (57 км) жүк көліктері мен автобустар үшін —
0.0839-0.5036 АЕК. - Үшарал — Достық станциясы (180 км) тас жолында жүк көліктері мен автобустар үшін
0.2670-1.5895 АЕК. - Шу — Бурылбайтал (175.8 км) тас жолында жүк көліктері мен автобустар үшін —
0.2624-1.5527 АЕК.
Билік айлық және жылдық абонемент енгізуді жоспарлап отыр. Жеңіл көлік үшін кейбір жолда жылдық абонемент құны — 1 АЕК. Жүк көліктері мен автобустар үшін — 1-100 АЕК.
Биыл АЕК — 3932 теңге.
26 қаңтардан бастап Қызылорда — Арал трассасы ақылы режимге көшті.
Комментариев: 0