Биыл тағы үш трасса ақылы болады

Көлік министрі Марат Қарабаев бүгін брифингте жолдарды ақылы қылу жоспары туралы айтты.

«Біз Қарағанды — Алматы жолын аяқтадық. Бұл трасса кезең-кезеңмен ақылы болады. Биыл Күрті — Қонаев бөлігін бітіреміз және онда да ақы сұралады. Қызылорда — Орал тас жолы аяқталып қалды, бірақ онда ауыр жүк көліктері ғана ақша төлейді», — деп түсіндірді министр.

Шенді барлық ақылы жолда төлем құны төрт есе өсетіні туралы тараған қауесетті жоққа шығарды.

«Бұл ақпарат дұрыс емес. Осы аймақта тұратын және жолды үнемі пайдаланатын тұрғындар үшін жылына 3000 теңге көлемінде абонементтік төлем қарастырылған. Баға көтеріліп, жолға байланысты өзгереді. Кейбір жерде 30 %, басқа жақта 40 % өседі. Жалпы алғанда кезең-кезеңмен қымбаттатып жатырмыз», — деп түсіндірді Қарабаев.

Жақында елдегі жеті трасса ақылы режимге көшеді.