Көлік департаментінің басшысы Грант Шаппс велосипедшілердің өмірін қиындатуға ниетті. Әсіресе жол ережесінің өздеріне қатысы жоқ деп санайтындар назарға ілігеді. Daily Mail хабарлағандай, шенді велосипедті көлік ретінде қолдануға еш қарсы емес, алайда қазіргі жағдайды сырттай бақылап, қол қусырып отыруға қарсы.
— Мен жол ережесін елемейтін велосипедшілердің жазасыз қалатынына сеніп, тайраңдауына болады деп ойламаймын, — деді Шаппс.
Біріккен корольдікте қос дөңгелекті көлік мінгендер арасында бағдаршамның қызыл түсіне өтетін және жаяу жүргінші жолағымен жүретіндер көп.
Шаппс велосипедті міндетті түрде тіркеп, сақтандыруды ұсынды. Оған қоса шенді жол апатына себеп болған жүргізушілерге қолданатын жазаны қатаңдатуды жоспарлап отыр. Қазір ауыр жол апатын жасаған автомбилист қалған өмірін темір торда өткізуі мүмкін, ал дәл сондай жағдайда велосипедші екі жылға ғана қамалады.
Заң жобасы биыл күзде парламент қарауына жолданады.
Комментариев: 0