Алматыда әкімнің кейбір веложолақтарды алып тастау жөніндегі нұсқауы бойынша жұмыс жүргізілуде. Желіде пайда болған суреттер мен видеожазбалардан көшенің шығыс бөлігіндегі таңбалардың ішінара өшірілгенін байқауға болады.
Informburo.kz хабарлағандай, Қонаев көшесіндегі веложолақ таңбасы толықтай өшіріледі. Болашақта велосипедшілер жолдың батыс бөлігімен қозғалады, ал шығыс бөлігінде көлік тұрағы болады. Бұл өзгерістер Байтұрсынов көшесіне де қатысты.
Алматы қалалық полиция департаментінің баспасөз қызметі түрлендіру жұмыстарына бір ай уақыт кететінін айтты. Ал велосипедшілер мен өзге де жол қозғалысына қатысушыларға мамандар жол белгілері мен таңбаларға мұқият қарап, жол ережесін сақтауға кеңес берді.
Комментариев: 0