The Times хабарлағандай, Франция үкіметі автомобильден бас тартып, велосипед немесе өзге электрлі көлікке ауысқан азаматтарға қомақты мөлшерде ақша төлейді.
Төлем бәріне бірдей емес: табысы аз отбасы өз еркімен машинадан бас тартса 4000 еуро өтемақы алады. Әрине, көлікті билікке тапсыру керек. Ал табысы жақсы адамдарға азырақ ақша береді.
Осылайша Франция велосипед міну көрсеткіші бойынша Еуропадағы көршілерін қуып жетуге ниетті. Мысалы, Нидерланды халқының 27 %-ы велосипед мінеді, ал Францияда бұл көрсеткіш 3 % ғана. Алдағы бес жылда Парижде 130 шақырым веложол салынады және қаланы екі дөңгелекті көлікке ыңғайлы ету мақсатында 250 млн еуро бөлу жоспарланып отыр.
Комментариев: 0