Xiaomi көлігі АҚШ-та жүр

Көлікті алғаш болып қытайлар байқады. Жергілікті әлеуметтік желіде Иллинойс штатының нөмірін таққан электрлі Xiaomi YU7 кроссоверінің I-5 автомагистралінде кетіп бара жатқан суреті пайда болды.

Xiaomi көліктерін Америкаға импорттауға және онда сатуға болмайды. Оған себеп 100 % кедендік баж салығы, FMVSS федералдық стандартына сай келмеуі. Сонымен қатар былтырдан бері АҚШ билігі Қытай бағдарламалық жасақтамасы мен жабдықтары арқылы желіге қосылатын машинаны кіргізуге тыйым салған.

Дегенмен нөмірге қарап біраз нәрсені түсінуге болады. Біріншіден, Иллинойс штатында Xiaomi сияқты электромобиль шығаратын Rivian бар. Екіншіден, нөмірдегі 132 саны тек автоөндірушілерге беріледі және бұған дейін оны осы компанияның сынаққа қатысқан машиналары таққан.

Rivian тылсым YU7 өздеріне тиесілі екенін растады. Carscoops басылымының сауалына жауап бере отырып, олар жаңа модельді әлемдегі түрлі көліктермен салыстыру және зерттеу автоөнеркәсіпте қалыпты жағдай деді. Компанияның бас директоры бұған дейін ішкі сынақ пен бәсекелестерді бақылау үшін бірнеше Қытай электромобилін алғанын айтты.

Xiaomi қазіргі қолайсыз жағдайларға байланысты автомобильдерін АҚШ-қа тікелей де, Канада арқылы да жеткізуді жоспарлап отырған жоқ. Бірақ 2027 жылы Еуропа нарығына шығуы мүмкін.