Қытайда ерекше апат тіркелді. Түнде Гуанси өңіріндегі тас жолда Lynk & Co Z20 электромобилін тізгіндеп бара жатқан жүргізуші дауыстап, көлікке салондағы жарықты өшіруді бұйырған. Бірақ оның орнына алдыңғы шам сөніп қалыпты.
Абдырап қалған жүргізуші бұйрығын кері қайтаруға тырысқанмен, жүйе жаңа команданы қабылдамай қойған. Нәтижесінде техника жолдағы қоршауға соғылды деп жазды Sohu басылымы. Абырой болғанда, апаттан ешкім зардап шекпеген.
Өндіруші бұл оқиғаға қатысты жылдам жауап берді: бір күннен кейін директорлардың бірі әлеуметтік желіде көпшіліктен кешірім сұрап, Lynk & Co инженерлері жаңарған бағдарламалық жасақтама дайындап, автомобильдерге жүктей бастағанын хабарлады. Енді машина жүріп бара жатқанда шамды қолмен ғана өшіруге болады.
Комментариев: 0