Xiaomi-дің үшінші өнімі гибрид болады

Компания бірнеше күн бұрын алғашқы YU7 кроссоверін саудаға шығарды, енді тағы бір SUV-ді сынап жатыр. Прототиптің тыңшылар түсірген суреттерін жариялаған CarNewsChina хабарлағандай, жаңа өнім YU7-ден дизайн, өлшемі және күштік құрылымы жағынан мүлде өзгеше болады. Ол YU9 индексін алып, нарыққа 2026 жылы шығуы ықтимал.

1 / 5

1 / 5

Басылымның мәліметінше Xiaomi-дің ірі кроссовері гибрид болатын сияқты. Алдын ала мәлімет бойынша инженерлер ол үшін 1.5 литрлік турбомотор мен жалпы қуаты 400 ат күшінен асатын екі электромотордан тұратын күштік құрылым әзірлеп жатыр. Электр қуатымен жүріс қоры шамамен 200 км-ге жетеді, жалпы жүріс қоры 1500 шақырымнан асады.

Суреттерден жаңа көліктің пішіні қырлы болғанын, SU7 және YU7 модельдеріне қарағанда айтарлықтай өзгергенін байқауға болады. Камуфляж автомобильдің дизайнын көрсетпеді, дегенмен Xiaomi-дің фирмалық стилінен кейбір элементтер қалуы мүмкін. Кроссовердің ұзындығы 5 метрден асады, бұл компанияға тұңғыш рет сериялық модельге үш қатарлы орындық орнатуға мүмкіндік береді. YU9 алты және жеті орынды салон алады.

1 / 4

Тәуелсіз дизайнерлердің ойынша Xiaomi YU9 осындай болуы мүмкін

1 / 4

Басылым брендтің жаңа өнімі негізгі бәсекелестерінен арзан болуы мүмкін дейді. Бұл жолғы қарсыластары: Li Auto L9 және Aito M9. Сол себепті флагман гибридтің бағасы 350-500 мың юань (25.3–36.2 млн теңге) аралығында болатын сияқты.

Комментариев: 0