Қаржылай қиындыққа тап болып, кейін беделіне нұқсан келген KTM енді ғана ес жия бастағанда жаңа дауға ұрынды. Мұны Францияның Le Monde басылымы хабарлады, оған El Pais, Der Spiegel, L’Espresso және Centre for Climate Reporting редакциялары үн қосып отыр.
KTM-ге жол талғамайтын мотоциклдер топтамасын, соның ішінде 2 тактілі эндуроларды жасағанда экологиялық талапты сақтамады деген айып тағылып отыр. Басылым жариялаған материалда мотоөндіруші техникасын зиян газ мөлшерін өлшейтін сынақтан өткізгенде арнайы бағдарламалық жасақтама мен арнайы шығару жүйесін пайдаланып, қулыққа басқаны жазылған. Компания мотоциклді дәл осы күйінде салонға жеткізеді, бірақ клиентке тапсырар алдында газ шығару жүйесін өзгертіп, электрондық басқару блогына жаңа бағдарлама жүктейді және май бүрку көлемін біршама арттырады. Бұлай істемесе, брендтің эндуро топтамасын өз мақсатында пайдалану мүмкін емес көрінеді.
Еуропалық басылымдар мәселені бірнеше ай зерттеп, марканың мотосалондарын жасырын бақылаған. Осы арқылы олар зиян газ деңгейіне қатысты махинацияға мотоөндірушінің қатысы бар-жоғын анықтауға тырысыпты.
Бірақ KTM немесе Husqvarna, GasGas маркаларының клиенттері үшін Le Monde жариялаған материал жаңалық болмауы мүмкін. Эндуро мотоциклдерінде қуатын толық іске қосуға мүмкіндік беретін мұндай өзгеріс бұрыннан қолданылады. KTM өкілдері мотоциклге өзгеріс енетінін жоққа шығармады, бірақ ескеретін бір мәселе бар.
Зерттеушілерге берген ресми жауабында мотоөндіруші нарыққа заңсыз мотоцикл шығармайтынын айтып, барлық техника ЕО талабына сәйкес келеді деп мәлімдеді. KTM Le Monde журналистері эндуроның ерекшелігін түсінбейтінін алға тартып отыр. Компания өкілдерінің айтуынша барлық 2 тактілі техника жалпыға ортақ жолда жүруге рұқсаты бар спорттық өнім саналады, ал дилерлер жарысқа қатысатын мотоциклдерге ғана өзгеріс енгізеді. Оның үстіне механиктер клиентке бұдан кейін мотоциклді қоғамдық жолда мінуге болмайтынын міндетті түрде ескертеді.
Басылым аустриялық мотобрендтің түсініктемесіне қарамастан, жергілікті билік
Комментариев: 0