Тараз — Шымкент тас жолындағы камералар орташа жылдамдықты тіркемейді

Биыл 19 мамырдан бастап халықаралық Батыс Еуропа — Батыс Қытай трассасының ақылы Қайнар — Тараз және Тараз — Шымкент жол бөлігінде жылдамдық шегі 120 км/сағ болып өзгерді. ҚазАвтоЖол Kolesa.kz редакциясына хабарлағандай, Жамбыл облысы Полиция департаментінің Әкімшілік полиция басқармасы бұл шешімді жүргізушілердің өтінішін ескере отырып қабылдаған. Бұл бөлікте көлік көп жүретіндіктен, жаңа жылдамдық режимі жолдың өткізу қабілетін арттырады.

Ұлттық компания 19 мамырдан бастап Тараз — Шымкент тас жолында орташа жылдамдық тіркелмейтінін хабарлады.

«Сондықтан жылдамдықты 110 км/сағ-тан асырғаны үшін салынған айыппұлға „ҚазАвтоЖол“ ҰК емес, жергілікті атқарушы органдар жауапты», — деді жолшылар. Олардың айтуынша трассада ұлттық компанияның камераларынан бөлек, жылдамдық тіркейтін Sergek кешендері бар. Олар жол белгілеріне мән бермейтін жүргізушілерге айыппұл жазады.