Volkswagen зауыттарын Шығыс Еуропаға көшіре ме?

WirtschaftsWoche басылымы Volkswagen-нің ішкі құжатына сілтеме жасап, компания 2031–2034 жылдары Эмден, Цвиккау, Неккарзульм және Ганновердегі зауытын жабуы мүмкін екенін хабарлады. Марка автоөндірісті шығыны аз Чехия, Словакия және Польшаға көшіруді жоспарлап отыр.

Шамамен 46 мың адам жұмыс істейтін бұл төрт зауыт концерннің Германиядағы жалпы автоөндірісінің үштен бірін құрап отыр. Олар ID.4, ID.7 (Эмден), ID.3, ID.4, ID.5, Cupra Born, Audi Q4 e-tron, Q4 Sportback e-tron (Цвиккау), Audi A5, A6, A8, Audi e-tron GT (Неккарзульм) модельдерін және VW минивэні мен коммерциялық фургондарын (Ганновер) шығарады.

Қазірше нақты шешім қабылданған жоқ. 2027 жылы жазға дейін бір автомобильге арналған өндіріс шығынын қазіргі 6490 еуродан компанияның шетелдегі филиалдарындағы 2832 еуроға дейін төмендете алса, Германиядағы зауыттар жабылмайды. Бірақ сарапшылар бұл мүмкін емес екенін айтып отыр деп жазды ТАСС.

Бұл мәселеге қатысты нақты шешім Volkswagen бақылау кеңесінің осы аптаның аяғында өтетін отырысында шығады. Ал IG Metall кәсіподағы компанияның бұл жоспарымен келіспейді, олар күзде жағдай қызу талқыға түсетінін айтты.