Volkswagen Passat универсал шанағында ғана шығады

Volkswagen компаниясы седаннан бас тартқаннан кейін бес есікті Variant шанағындағы Passat-тың келесі буынын таныстырды. Универсалды MQB Evo жаңа платформасына ауыстырып, көптеген жаңа мультимедиалық технологиямен жабдықтады, мотор гаммасына электрлі агрегат қосты.

1 / 10

• 
• 
• 
• 
• 
• 
• 
• 
• 
• 

1 / 10

VW Passat-тың сырт пішіні алдыңғы буын өкілінен айтарлықтай ерекше, бірақ брендтің сұранысқа ие модельдеріне ұқсайды. «Пассатқа» да дәл сондай бампер, тік қондырмалары бар ірі тор, диодты қосқышы бар жіңішке оптика орнатыпты, сырты тегіс. Жақында тұсаукесері өтетін Tiguan да осындай болады. Жаңа көліктің аэродинамикалық кедергі көрсеткіші Volkswagen-нің басқа универсалдарынан әлдеқайда жақсы.

Passat 144 мм ұзарды (4917 мм). Бұған дейін 2841 мм болған дөңгелек базасына 50 мм қосылды. Бұл салонын кеңейтіп қана қоймай, жүксалғышты ұлғайтуға мүмкіндік берді. Оның көлемі 690 литр, ал артқы орындықты бүктегенде 1920 литрге жетеді.

Интерьер екі экраны бар жаңа алдыңғы панельмен ерекшеленеді. Passat-тың базалық түрленімінде 10.25 дюймдік аспаптар панелі мен 12.9 дюймдік ортаңғы дисплей болады, ал қымбатында ол 15 дюймге жетеді. Беріліс қорабының селекторын рөл колонкасына ауыстырған, осылайша ортаңғы тоннельде сымсыз қуаттағышқа орын босады. 14 позицияда реттелетін, желдету және массаж жасау функциясына ие ergoActive креслосын опция түрінде ұсынады. Орындық микроклиматын электроника басқарады.

1 / 6

• 
• 
• 
• 
• 
• 

1 / 6

Компания универсал үшін жеті күштік құрылым ұсынады. Мысалы, бензинмен және дизельмен жүретін 2 литрлік екі дәстүрлі қозғалтқыш. Алғашқы нұсқасы 7 сатылы роботпен жұптасып, 204 және 265 ат күшін береді, қуаттысы толық жетекті болады. Дизельді қозғалтқыш 122, 150 немесе 193 ат күшін береді және ұқсас трансмиссиямен жұмыс істейді.

VW Passat алғаш рет жұмсақ гибрид түрленіміне ие болды, ол стартёр-генератормен және 1.5 литрлік турботөрттікпен (150 а.к.) жүреді. Момент алдыңғы дөңгелектерге беріледі. Гибрид те толық жетекті болмайды, болжам бойынша жүріс қоры мың шақырымға жететін универсал электр күшімен 100 шақырым ғана жол жүреді.

Екі гибрид те 19.7 киловатт батареямен (50 кВт) біріккен 1.5 литрлік төртікке негізделген. Күштік құрылымдар 204 немесе 272 ат күшін береді, беріліс қорабы — 6 сатылы DSG.

1 / 6

• 
• 
• 
• 
• 
• 

Volkswagen Passat eHybrid R-Line Variant

Volkswagen Passat eHybrid R-Line Variant

Volkswagen Passat eHybrid R-Line Variant

Volkswagen Passat eHybrid R-Line Variant

Volkswagen Passat eHybrid R-Line Variant

Volkswagen Passat eHybrid R-Line Variant

1 / 6

Аспасында жаңа амортизаторлар және көлденең орнықтылық тұрақтандырғышы пайда болды. Қосымша ақы төлеп, клиент екі клапанды бейімді DCC Pro амортизаторын және электронды дифференциалды бұғаттау жүйесін орната алады.

VW жаңа Passat-ты қыркүйектің басында Мюнхенде өтетін IAA көрмесінде көрсетеді. Автомобиль өндірісі 2024 жылы Братиславада басталады.