Алматыдағы камералар белдік тақпайтын жүргізушілерге үш мыңға жуық айыппұл салды

Көлік жүргізгенде белдік тақпайтын, телефоны қолынан түспейтін тұрғындар биыл 12 наурыздан бастап камераның назарына іліккен. Inform.kz хабарлағандай, Полиция департаменті содан бері Әкімшілік кодекстің 591-бабы (телефонмен сөйлесу) бойынша 1241, дәл осы кодекстің 593-бабы (белдік тақпау) бойынша 1646 жүргізушіні жауапқа тартыпты.

Қазір мегаполисте 186 мыңнан аса бейнебақылау камерасы ұмыс істеп тұр. Олардың 66 мыңы ақпаратты Шұғыл басқару орталығына жібереді. Әкімдік жыл аяғына дейін тағы 30 мың аппаратты іске қосады.