Утилизациялық алым мәселесіне жауапты экология вице-министрі ұсталды

Бірқатар отандық БАҚ экология вице-министрі Ахметжан Пірімқұлов (25 қаңтарда қызметінен босатылған) пен «ӨКМ операторы» ЖШС бұрынғы басшысы Медет Құмарғалиев ұсталғанын хабарлады.

Бұл ақпаратты сыбайлас жемқорлыққа қарсы іс-қимыл агенттігі растады. Екеуі де жемқорлық қылмыс жасады деген күдікке ілінген. Пірімқұлов пен Құрманғалиев уақытша ұстау изоляторында отыр. Іске қатысты өзге мәліметтер әзірше жарияланған жоқ.

Экология, геология және табиғи ресурстар министрі Серікқали Брекешев бұл жағдайдан бейхабар екенін және бұрынғы орынбасарының ұсталғаны туралы ақпаратты БАҚ-тан білгенін айтты.

«ӨКМ операторы» утилизациялық алым жинау міндетін «Жасыл Даму» мемлекеттік операторына тапсырып берген. Бұл ел президентінің тапсырмасы бойынша жүзеге асты.