Үшінші Duster: жаңа платформа және гибрид күштік құрылым

Dacia Қазақстанда Renault брендімен сатылған Duster-дің үшінші буынын ресми түрде таныстырды. Bigster концептісі стилінде жасалған жаңа модельдің сырт пішіні таңғалдырмады. Премьераға дейін патенттік кескіндер мен жарнама видеосының скриншоттары интернетте тарады.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Бренд көліктің салонын алғаш рет көрсетті, іші қарапайым, бірақ жинақы. Медиакешеннің 10.1 дюймдік планшеті, 7 дюймдік шағын цифрлы аспаптар панелі, батырмалы климат-бақылау панелі, смартфонды сымсыз қуаттау жүйесі, USB-C рәзеткесі және фирмалық телефон қойғыш көзге түседі. Жабдықтар тізіміне алты динамигі бар аудиожүйе, сымсыз Android Auto, Apple CarPlay, бірнеше жолсыз жерде жүру режимі мен көмекшілері бар электроника кешені кіреді.

1 / 5

• 
• 
• 
• 
• 

1 / 5

Техникалық жағынан модель заманауи CMF-B платформасына негізделген. Автомобильдің көлемі ұзындығы — 4343 мм, ені — 1809 мм және биіктігі 1656 мм болатын алдыңғы буынға жақын. Дөңгелек базасы — 2657 мм, клиренсі — 217 мм, кіру және шығу бұрышы — 31 және 36 градус. Жүк салғыш көлемі — 472 литр.

Еуропалық Dacia Duster-дің күштік құрылым гаммасы бірнеше агрегаттан тұрады. Екі 50 литрлік жанармай багы бар (біреуі бензинге, екіншісі сұйытылған мұнай газына арналған) бір литрлік 3 цилиндрлі турбомоторға негізделген екі түрлі отын тұтынатын ECO-G 100 — базалық түрі. Жалпы жүріс қоры 1300 шақырымға жетеді.

Орташа нұсқада 48 вольтты стартер-генератор, 0.9 кВт·сағ батарея және 6 сатылы механикалық беріліс қорабымен жұптасқан 1.2 литрлік турбомоторы бар TCe 130 орнатылған. Көліктің моно және толық жетекті нұсқасына тапсырыс беруге болады.

Үздік түрленім — моторын гибрид Jogger-ден алған Duster Hybrid 140. Ол электрлі мотор және стартер-генератормен жұптасқан 1.6 литрлік атмосфералы қозғалтқышқа негізделген. Jogger-дің жалпы қуаты 140 ат күші болса, Duster-дің көрсеткіштері әлі айтылмады.

Dacia Duster 2024 жылы саудаға шығады деп күтілуде, бірақ алдын ала тапсырыс қабылдау желтоқсанда басталуы мүмкін. Жаңа өнім Қазақстанға келе ме, үлкен сұрақ. Елімізде бөлшектері Мәскеуде шығарылып, Қостанайдағы зауытта жасалған «Дастер» сатылды.