Жаңа Dacia Duster-дің сырт пішіні қандай болады

Motor1 басылымы үшінші буындағы Dacia Duster кроссоверінің патенттік эскизін жариялады. Суреттен машинаның сырт пішіні едәуір заманауи бейнеге енгенін байқалады. «Дастердің» тұсаукесері 29 қарашада өтеді деген ақпарат бар.

Кроссовердің экстерьері толық өзгерді. Алдыңғы бөлігі үлкен бампер және диодты жарық техникасымен ерекшеленеді, қырлы дөңгелек аркасы мен купе тәрізді пішіні де өзгеше көрінеді, ал артқы тірегі айтарлықтай үлкен болады.

1 / 6

• 
• 
• 
• 
• 
• 

1 / 6

Aлдыңғы тірек пен табалдырықта ірі пластик материал бар, ал жүксалғыш қақпағында спойлер тұр. Эскизде Dacia Duster-дің арнайы нұсқасы немесе ең қымбат комплектациясы бейнеленген болуы мүмкін. «Дастердің» жаңа буыны Dacia Bigster концептісін еске салады.

Буын ауысқан соң кроссовер жаңа CMF-B платформасына көшеді, ал мотор гаммасында негізінен шағын көлемді турбоқозғалтқыштар болады. Базалық нұсқасы 120 ат күшіне ие литрлік агрегатпен жүреді, ал аралық нұсқа 1.2 литрлік (140 а.к.), үздік нұсқа 1.3 литрлік (170 а.к.) мотормен жабдықталады. Модельде заманауи робот қорап пен артқы осьте электромоторы бар гибрид жүйе болады.

Жаңа Duster келер жылдың бірінші жартысында саудаға шығады, ал 2025 жылы үш қатарлы үлкенірек жол талғамайтын нұсқасы жарық көреді.