Ford-тың Еуропадағы бөлімшесі Focus-тан толықтай бас тарту туралы шешім қабылдады. Motor1 топ-менеджерлердің бірі жолдаған хатқа сілтеме жасап хабарлағандай, бренд қарашада оны конвейерден алып тастайды , оның орнына жаңа өнім шығару жоспарда жоқ.
Ford Focus ST
Қазір клиенттер Ford Focus-ты өздеріне қажет конфигурацияда сатып ала алады. Бірақ жақында автоконцерн тек түскен тапсырыстарды орындауға және қоймадағы машиналарды сатуға күш жұмсайды.
Ford Focus Германиядағы Саарлуис қаласындағы зауытта жасалады. Бренд 2022 жылы Еуропадағы топтамадан Mondeo седанын алып тастады, ал 2023 жылы Fiesta-дан бас тартты. Focus өндірісі тоқтаған соң марканың Еуропадағы модельдер қатарында дәстүрлі жеңіл автокөліктер болмайды. Компания басшылары кроссоверлер сұранысқа ие екенін және көп пайда әкелетінін алға тартып, соларға басымдық беру туралы шешім қабылдады. Дегенмен бұл сегмент Еуропада бос қалмайды: Volkswagen мен Toyota сияқты ірі автоөндірушілер аталған нарықтан кетуді жоспарлап отқан жоқ.
Бірінші буындағы Ford Focus
Ford Focus алғаш рет 1998 жылы концерннің модельдерді жаһандандыру стратегиясының бір бөлігі және Escort-тың ізбасары ретінде шықты. Қазір Focus-тың төртінші буыны сатылып жатыр. Оның седан, хэтчбек, универсал және кейбір елде купе және кабриолет шанағы болды.
Ford Focus RS-тің үш буыны
Focus-тың ST, RS индексті бірнеше спорттық нұсқасы және әлемдік ралли чемпионатына қатысатын арнайы модификациялары болды. Өндіріс басталғаннан бері автомобиль көптеген елде бестселлер атанып, бірнеше рет «Жыл көлігі» атағын алды.
Комментариев: 0