Қытаймен шекарадағы бекеттер мереке күндері жабық болады

ҚР Қаржы министрлігінің Мемлекеттік кірістер комитеті 2025 жылғы 8 наурызда және 21 наурыздан 23 наурызға дейін Қазақстан мен Қытай арасындағы шекара бекеттерінен адам, көлік және жүк өте алмайтынын хабарлады.

Ал теміржол бойындағы бақылау-өткізу орындарында жұмыс тоқтамайды.

Комитет Kolesa.kz редакциясына хабарлағандай, шектеу Қытаймен шекарадағы бекеттерге ғана қатысты. Мереке күндері Ресей, Қырғызстан және Өзбекстанмен шекарадағы бекеттер әдеттегідей қызмет етеді.

Өзбекстанға баратын жүргізушілер «Жібек жолы» бақылау-өткізу пункті («Черняевка») 5 ақпаннан бастап жаз ортасына дейін жабық екенін ескергені жөн, онда жөндеу жұмыстары жүріп жатыр. Avtoelon.uz басылымы көрші республикаға жақында жөндеуден өткен «Қапланбек» бекеті арқылы кіруге болатынын жазды.